اے مسکین تے ککھاں نال بی تُل جلدن
رُل جلدن عاشق بےچارے رُل جلدن
دکھ تکلیفاں، ہانڈ، اڈیکاں، جَگراتے
سجڑاں دا دیدار ملے، سب پہُل جلدن
اے تے گناہگاراں دا اسمِ اعظم اے
ہیک اتھرو کِردے تے گناہ سب تہُل جلدن
حق سچ لخڑاں جوگے قلم جے چاؤ تے
قدرت دے سب راز چھپاویں کھُل جلدن
حق نہ ملدا ہووے جد حقداراں کو
ماواں دے قابل پتر بی رُل جلدن
جان تو پیارے لوک ای اُٹھ کے دکھ دیون
راجاؔ اکھیاں دے اتھرو فر ڈُل جلدن
امجد علی راجاؔ