دل تے لاںواں لاںڑاں کولو ڈر لگدے
مڑ کے تہوکھے کھاںڑاں کولو ڈر لگدے
ہوںڑ کوئی مک چھوڑ گیا تے مر جلساں
رسیا یار مناںڑاں کولو ڈر لگدے
اوکھے اوکھے کم بی کرنے پے جلدن
سنگیاں دے صفتاںڑاں کولو ڈر لگدے
سارے فصلی بٹیرے مڑ کے آ جلسن
پیسے ہونڑ کماںڑاں کولو ڈر لگدے
ویلے دے سمجھاںڑاں کولو ڈر لگدے
بڈی قیمت کہن کے سمجھاں دے سنگیو
اتنے روپ میں دیخے اج تک لوکاں دے
نویں یار بںڑاںڑاں کولو ڈر لگدے
پیار کو ٹھکرا کے ہر کوئی پچھتاں دے
ڈر لگدے پچھتاںڑاں کولو ڈر لگدے
پیندے رہندن کم، ورے میں دستا ناں
لوکاں دے ٹرخانڑاں کولو ڈر لگدے
جو بی کرداں سوچ سمجھ کے کرداں میں
کلہا کو پچھتاڑاں کولو ڈر لگدے
دنیا کو ٹھکرایا مچ واری راجاؔ
ہونڑ ورے ٹھکراںڑاں کولو ڈر لگدے
امجد علی راجاؔ