منزل دا پتہ کج بی نیں ٹُرداں میں لگے دا
جُلناں بی کرے نیں ورے جلداں میں لگے دا

بہردی اے دکھاں دی مڑے تا زور دی بارش 
خوش فہم سمجھدی اے کہ کُہلداں میں لگے دا

سڑ بل بی گیا نال پشیمان بی ہویا
او سوچ کے خوش آسا کہ رُلداں میں لگے دا

رب خیر کرے، فر کرے برباد نہ ہو واں
فر یار دے وعدے تا ای پُہلداں میں لگے دا

اتنی بی پریشان مڑی زندگی نہ ہو
مُڑ مُڑ کے نہ آواز دے، مُڑداں میں لگے دا

اج وقت مڑا نیں ورے کل ہوسی مڑا دور 
اج نال ککھاں دے کدے تُلداں میں لگے دا

اندر دے سمندر دا کے دنیا کو دساں میں
راجاؔ ہلے آپا تا ای کھُلداں میں لگے دا

امجد علی راجاؔ