اے اجڑے دا دل مڑ کے بسڑاں نیں لگیا
تُک لگدے، لگڑاں لگیئے، لگڑاں نیں لگیا
او رُس کے جلدے، منتاں کر کے ڈک کہنداں
میں رُس کے تاں نہ جلدا ڈکڑاں نیں لگیا
سرداری دے قابل نیں ہوندا ہر کوئی
اے شملہ ہر اک سِر تا سجڑاں نیں لگیا
دنیا دی ہر چیز دی قیمت بدھدی اے
پر دام غریب دے خون دا بدھڑاں نیں لگیا
خندانی بی اے نال ہزاریوال بی اے
او توڑ نبھاسی، راہ بچ سنٹراں نیں لگیا
او ظالم دے مقتل بچ پاویں مر جلسی
پر ساہواں دی خیرات تے منگڑاں نیں لگیا
غم اتھرو بنڑ کے پاویں تردے اکھیاں بچ
اے راجاؔ دا اتھرو اے بگڑاں نیں لگیا
امجد علی راجاؔ