جدوں تک خلافت دا مطلب نیں آندا
ادوں تک حکومت دا مطلب نیں آندا
او لیڈر جہڑے راج دل تا نیں کردے
انہاں کو قیادت دا مطلب نیں آندا
ازادی اے تکمیلِ ایمان، کی کہ
غلاماں کو غیرت دا مطلب نیں آندا
اے دولت، تے عہدے، تے رُتبے تو ڈر دن
عواما کو طاقت دا مطلب نیں آندا
صبح شام گوشت پہراؤ دا کھاندے
منافق کو غیبت دا مطلب نیں آندا
جے ابا تے اماں خفا ہن، تے فر تُک
ذلالت تے لعنت دا مطلب نیں آندا
مسلمان ہاں پر تفرقے دے مارے
قرآن اور سنت دا مطلب نیں آندا
او لشکر تا مست اے، تے راجاؔ اے کلہا
ستمگر کو جرآت دا مطلب نیں آندا
امجد علی راجاؔ