مسلمان دی اے روایت نیں ہوندی
جہالت کسی طور غیرت نیں ہوندی
خرید و فروخت دا بازار لگدے
ضمیراں دی منڈی عدالت نیں ہوندی
صداقت، شجاعت، مزمت اے لازم
اے مالش تے پالش صحافت نیں ہوندی
خلافت تا قابض اگر ہو بی جلدن
یزیداں دی قسمت امامت نیں ہوندی
مشوماں دی ہڈیاں چپاندی ہوئی پہوکھ
قیامت تو پہلے قیامت نیں ہوندی؟
سہارا بنڑو، کم بی آؤ کسی دے
نمازاں تے خالی عبادت نیں ہوندی
میں اہلِ قلم آں، میں چاہواں تے تاں بی
مڑی دستِ ظالم تا بیعت نیں ہوندی
طلب اور توفیق لازم اے راجاؔ
کسی کو بی ایویں ہدایت نیں ہوندی
امجد علی راجاؔ