اقبال دا، جناح دا پیغام اتحاد
تے بار بار آختے اسلام اتحاد
تاریخ آختی اے کہ مُچ کُج میں دیخیا
ہوندا نی دیخیا کدے ناکام اتحاد
افسوس ہونڑ تک نہ اَسی قوم بنڑ ہکے
دنیا دی کرگیاں کئی اقوام اتحاد
ظالم اساں کو ہور بی کرسن ذلیل و خوار
کَرسی نہ ہونڑ بی کدے عوام اتحاد
لِخ کے سزائے موت، تے دسیا مڑا گناہ
مجرم سنڑ آخیا سا، سرِ عام اتحاد
ہونڑا تے کج بی نیں ورے رسماً ای آختاں
راجا دا بی اے قوم کو پیغام اتحاد
امجد علی راجاؔ