ہندو ناں، پر اساں دا رواج اوئی اے
اوئی بڈھے مُونڈے، اُتا داج اوئی اے
منیا فرعون مندا لگدے ورے
تھوڑا تھوڑا اساں دا مزاج اوئی اے
ڈانگ، سوٹا آخو پاویں آخو ڈنڈا پیر
قوم دی بیماری دا علاج اوئی اے
بِیڑے بْڈے نکے ہوئے مڑی سوچ دے
زندگی دی پْیرنی دا کاج اوئی اے
جان چھُٹدی اْے نہ غلامی مُکدی
نسلاں تو چلدا بیاج اوئی اْے
لدیاں کتاباں ورے فیدہ کج نیں
سوچاں دی غلامی دا مزاج اوئی اے
زندگی دے ناکے اتا دینڑا پیندا اْے
خوشیاں سکونا دا خراج اوئی اْے
جان کتھا چھوڑدے اے کْٹیا نظام
راجاؔ کدے گیا بی تے راج اوئی اے
امجد علی راجاؔ