گناہ کے ہْے پتہ نیں ثواب کے شْے ہْے
اساں دی سوچ تو بْد کے خراب کے شْے ہْے
سمجھ گیاں میں زمانے دی ٹھوکراں کھا کے
نصابِ زندگی کے ہْے، کتاب کے شْے ہْے
چمن دے رنگ تُو، خوشبو بی تُو، بہار بی تُو
کہ سامڑیں تڑے سجڑاں گلاب کے شْے ہْے
خدا دا ناں ای نہ تعبیر پُچھ مڑے کولو
مکو تے پْول گیا ہونڑ خاب کے شْے ہْے
دماغ گندہ، نظر بےحیا، تے دوہرا نقاب
اساں کو کے سمجھ آسی حجاب کے شْے ہْے
تسی تے ساگر و مینا سمجھ کے بیٹھے ہْو
تساں کو کے پتہ مُلاں، شراب کے شْے ہْے
کدے بی زندگی انسان دی گزاری نیں
فرشتیاں کو پتہ کے عذاب کے شْے ہْے
اْیاں نصاب غلامی دا تْس گیا اندر
کہ قوم پْول گئی انقلاب کے شْے نے
سوال خون نہ ساڑے جنہاں دا رات دیہاڑ
انہاں کو کے پتہ راجاؔ جواب کے شْے ہْے
امجد علی راجاؔ