خدا کو لوڑ کے کسا بی جائی اُستی جا کرے
اے سوچ کے جو بے جلے کہ جو کرے خدا کرے

اُسی دی اے قبولیت اُسی دی کامیابیاں
جو آپڑا ٹکا کے کم کرے تے فر دعا کرے

نصیب تے میں تنگ آ سیاں تے کہول ہوگیا
خدا کرم کرے تے ہنڑ دعا ای بچ بچا کرے

مڑی اے تے مڑے ای نال ویر پہا کے بے گئی
ذرا تُو آخ زندگی مڑی کو کج حیا کرے

دل و دماغ دا تے اس گلا تا اختلاف اے
صحیح غلط دا آپ فر ضمیر فیصلہ کرے 

تُسی او نہیریاں تا خوش، قبول بی تے نیں تُوآں
دل آپڑہ تساں دے کر کے کونڑ بالدا کرے

میں آزمائشاں دا پہار چا کے ہوٹ گیاں خدا
مُکا انہاں کو یا دلا کو آخ حوصلہ کرے

گِلہ مڑے تا اے تے مُک دسے، کسا کو کی دسے
جڑی بی گل اے اُستے دل بچ آ کے ٹہا بٹا کرے

کسا تا بی گلہ نہ کر، مخول بنڑ نہ سادیا
دلا کو آخ ہونڑ دیخ پہال کے بساہ کرے

امجد علی راجاؔ