جیہڑا قوم دی خاطر ڈٹے
اس کو لگدن فر چُرلٹے
تُن کے رخ چھڑ دن فر اس کو
جہڑا بی گل ان دی سٹے
قوم دا خون اے جام تے کیچپ
تہیاں لیڈر ہٹے کٹے
کونڑ سیاسی ‘پی ایچ ڈی’ اے
کُج کورے، کُج چِٹے بٹے
رشتے دار سیاسی سارے
سِیٹاں دے بی وٹے سٹے
سرکاری دفتر، نہ پُچھو
ترلے ٹہیلے، اُتلے مَٹھے
بجلی گیس دے بِل تے دیخو
چکر آون، دل بی کہٹے
نکو نک مہنگائی کولو
قوم مڑی کس ویلے پھٹے
پاکستانی قوم سلام اے
لُٹ پُٹ کے بی دل نہ سٹے
سَن سنتالی تو ای راجاؔ
کھُلدے رہندن نویں کٹے
شاعر: امجد علی راجاؔ